Íslensku barnabókaverðlaunin – dómnefnd hefur komist að niðurstöðu

  • Höfundur: Ritstjórn Forlagsins
Íslensku barnabókaverðlaunin

Tuttugu handrit bárust í samkeppnina um Íslensku barnabókaverðlaunin að þessu sinni, en í haust verða verðlaunin veitt í þrítugasta sinn. Dómnefndarmenn hafa legið í lestri síðan skilafresturinn rann út í byrjun febrúar en hafa nú valið verðlaunahandritið og fært höfundi þess fréttirnar. Nafn höfundarins verður ekki gert opinbert fyrr en verðlaunin verða afhent og verðlaunabókin kemur út en aðrir sem sendu handrit í samkeppnina mega sækja þau á skrifstofu Forlagsins að Bræðraborgarstíg 7. Þar verða handritin geymd í sex mánuði, til 28. október 2016, en eftir það verður þeim fargað. Verðlaunasjóður íslenskra barnabóka þakkar öllum þátttökuna og áhugann.

Íslensku barnabókaverðlaunin voru stofnuð í tilefni af sjötugsafmæli rithöfundarins Ármanns Kr. Einarssonar og hafa verið veitt frá árinu 1986. Næst verður auglýst eftir handritum að verðlaunabók ársins 2017 og verður skilafrestur 30. janúar á nýju ári.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd