Illska til Þýskalands

  • Höfundur: Ritstjórn Forlagsins
Eiríkur Örn Norðdahl

Skáldsaga Eiríks Arnar Norðdahl tekur flugið!

Réttindastofa Forlagsins hefur gengið frá samningi um sölu á skáldsögunni Illsku eftir Eirík Örn Norðdahl til stórforlagsins Klett-Cotta í Þýskalandi en mörg þýsk forlög lýstu yfir áhuga á að gefa verkið út.

Skáldsagan Illska kom út hjá Máli og menningu síðastliðið haust og voru umsagnir gagnrýnenda á eina lund: Þröstur Helgason sagði í Kiljunni að spurning væri hvort hann ætti eftir að lesa betri skáldsögu í haust og Björn Þór Vilhjálmsson sagði í Víðsjá: „Með verkum sínum hefur Eiríkur þegar skipað sér í röð framsæknustu og djörfustu höfunda sinnar kynslóðar.“

Illska er tilnefnd til Íslensku bókmenntaverðlaunanna 2012 og bóksalar kusu hana bestu skáldsögu ársins. Útgefandi Klett-Cotta, Michael Zöllner, er að vonum kampakátur með hnossið og segir Illsku magnþrungið verk sem þeir hafi þegar í stað tekið ástfóstri við.

Illska er bók um helförina og bók um ástina, um Ísland og Litháen, um Agnesi sem glatar sjálfri sér á milli þess sem Jón Baldvin viðurkennir sjálfstæði Eystrasaltslandanna og litháískir glæpamenn taka að starfa í Reykjavík, um Agnesi sem veit ekki hvort hún heldur með b-heimsmeisturunum í handbolta eða Bogdan Kowalczyk, um Agnesi sem elskar Ómar sem elskar Agnesi sem elskar Arnór.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd