Í nándinni hlýtur góðar viðtökur

  • Höfundur: Ritstjórn Forlagsins
Í nándinni

Í haust gaf Forlagið út bókina Í nándinni – innlifur og umhyggja eftir sálfræðinginn Guðbrand Árna Ísberg. Í verkinu útskýrir Guðbrandur Árni á aðgengilegan, frumlegan og skemmtilegan hátt hvernig bæta má samskipti og sambönd með því að rækta hæfni sína til innlifunar og leikni í að vera samvistum við aðra.

Bókin hefur hlotið frábæra dóma í hvívetna og komist inn á metsölulista. Í rýni sinni fyrir Sáfræðiritið segir Hörður Þorgilsson: „Það þarf metnað til að semja og birta í bók heilsteypta sýn á manninn og hvernig sú sýn leiðbeinir í lífi og starfi. Þótt undirritaður hafi starfað sem sálfræðingur í nærri þrjátíu ár skil ég margt betur en áður. Fyrir hinn almenna lesanda er margt að finna í leit að betri líðan. Ég óska Guðbrandi Árna Ísberg til hamingju með mjög góða bók.“ En það eru ekki aðeins kollegar Guðbrands sem eru ánægðir með bókina en samhliða því að vera afar fræðandi þykir hún afar vel skrifuð. Páll Baldvin Baldvinsson komst svo að orði: „Þetta er vel skrifuð og áhugaverð bók um mikilvægt efni. Hlý og mannúðleg.“

Þeir sem hafa áhuga á okkur mönnunum og mannlegum samskiptum ættu því ekki að láta þessa frábæru bók fram hjá sér fara.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd