Hverjir eignast Ísland?

  • Höfundur: Ritstjórn Forlagsins
Þórður Snær og Magnús Halldórsson

Bókinni Ísland ehf. – Auðmenn og áhrif eftir hrun eftir þá Magnús Halldórsson og Þórð Snæ Júlíusson var dreift í verslanir nú í vikunni. Af því tilefni verður efnt til útgáfugleði í Bókabúð Forlagsins að Fiskislóð 39 og hefst hún kl. 17. Léttar veitingar verða á boðstólum, bókin á sérstöku útgáfutilboði og höfundar ræða málin við gesti. Allir eru velkomnir og um að gera að kynna sér þessa áleitnu sögu áður en tekið er til við menninguna á menningarnótt.

Atburðarásinni í aðdraganda Hrunsins hefur verið gerð góð skil á ýmsum vettvangi. Minna hefur farið fyrir greiningu á eftirleiknum enda flókin refskák og ekki alltaf ljóst hver færir peðin, hvert og hvers vegna. Blaðamennirnir Magnús og Þórður Snær hafa á undanförnum árum vakið athygli (og ótta og alloft skapraun í vissum herbúðum) fyrir glöggskyggni og snörp skrif um íslenskt viðskiptalíf. Í Íslandi ehf. flétta þeir saman ótal þráðum og veita innsýn í atburði á líðandi stundu sem snerta alla þjóðina.

Hér er sett fram sagan á bak við söguna, blaðafyrirsagnirnar, flétturnar og vafningana, og leitt í ljós hverjir eru um það bil að sölsa undir sig auðlegð landsins – og munu, ef fer sem horfir, brátt standa uppi sem eigendur Íslands. Þetta er mikilvæg saga sem landsmönnum ber að skoða og þekkja ef þeir ætla sér ekki að endurtaka nýleg mistök strax aftur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd