Hvað gerðist þá? Sígild Múmínbók kemur aftur

  • Höfundur: Ritstjórn Forlagsins
Tove Jansson 1956

Í tilefni af því að hundrað ár eru liðin frá fæðingu finnsk-sænska rithöfundarins og listamannsins Tove Jansson, skapara Múmínálfanna, endurútgefum við í haust hina sígildu Hvað gerðist þá?

Bókin er þýdd af Böðvari Guðmundssyni og kom síðast út árið 1992. Hvað gerðist þá? er stórglæsilegur prentgripur og mikill happafengur fyrir alla þá fjölmörgu aðdáendur Múmínálfanna!

Tove Jansson fæddist í Helsinki í Finnlandi 9. ágúst 1914 og tilheyrði sænska minnihlutanum þar í landi. Foreldrar hennar voru báðir myndlistarmenn og Tove var ekki nema 14 ára þegar teikning eftir hana birtist fyrst opinberlega í tímaritinu Allas Krönika.

Tove kynnti múmínálfana til sögunnar í stuttri frásögn árið 1945 en fyrsta eiginlega bókin um þessar skemmtilegu furðuskepnur, Það er komin halastjarna, kom út ári síðar. Auk bókanna skrifaði Tove myndasögur um múmínálfana sem birtust í Evening News í London á árunum 1953-1959. Þá tók bróðir hennar, Lars, við verkinu og seinna aðrir listamenn.

Bækurnar um múmínálfana nutu frá fyrstu tíð mikilla vinsælda um allan heim. Þær hafa komið út í 34 löndum og selst í milljónum eintaka. Á Íslandi komu þær fyrst út í þýðingu Steinunnar Briem á árunum 1968-1972. Tove Jansson lést árið 2001 og er af mörgum talin einn rómaðasti rithöfundur Finnlands.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd