Hungurleikja-æði!

  • Höfundur: Ritstjórn Forlagsins
Hungurleikarnir

Bókin Hungurleikarnir er sú fyrsta í þriggja bóka seríu. Hún kom út á íslensku fyrir jólin og er nú í fyrsta sæti á metsölulista Eymundsson yfir barna- og unglingabækur. Bókin er þó alls ekki bara fyrir börn og unglinga því ævintýralegur söguþráðurinn, kraumandi spenna og óvæntar fléttur heltaka fullorðna jafnt sem börn og er þetta ein af þeim bókum sem ekki er hægt að leggja frá sér!

Vinsældir Hungurleikanna hafa verið gífurlegar og óhætt er að segja að algjört Hungurleikja-æði hafi gripið um sig vestan hafs. Í Bandaríkjunum hafa allar bækurnar þrjár verið í toppsætum metsölulista næstum samfleytt frá því þær komu út, en fyrsta bókin kom þar út árið 2008 og sú þriðja árið 2010. Síðan hafa þær verið endurprentaðar í kiljum og þannig hafa þessar bækur náð að vera metsölubækur í tæp fjögur ár. Núna síðast í janúar röðuðu bækurnar þrjár sér í topp þrjú sætin á metsölulista USA TODAY. Vinsældir bókanna hafa einnig náð út fyrir bandarísku landsteinana og hefur útgáfurétturinn verið seldur til 45 landa.

Núna í mars mun verða frumsýnd kvikmynd byggð á fyrstu bókinni og er vægast sagt mikil eftirvænting hjá aðdáendum bókanna.

Hér má sjá sýnishorn úr myndinni.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd