Hrá, hröð, óvægin, ögrandi og gríðarlega góð.

  • Höfundur: Ritstjórn Forlagsins
Jakob Ejersbo

Anna Lilja Þórisdóttir gefur Útlaga eftir Jakob Ejersbo fjórar og hálfa stjörnu í Morgunblaðinu á laugardaginn og er hugfangin af sögunni. „Margir hafa velt því fyrir sér hvernig karlmanni um fertugt hafi tekist að setja sig svona vel inn í hugarheim unglingsstúlku,” segir hún þegar hún hefur rakið efni sögunnar. „Sjálfur sagði Ejersbo heitinn að Samantha væri byggð á vinkonu hans, sem hann kynntist í Tansaníu.

Annars hefði sagan allt eins getað verið um unglingsdreng. Eða ungling í allt annarri heimsálfu. Því þó að sögusviðið skipti vissulega máli, þá spyrja unglingar af báðum kynjum í öllum heimshornum sig sömu spurninga og Samantha gerir: Hver er ég? Hvar passa ég inn í?” Og Anna Lilja heldur áfram ítarlegri úttekt sinni á bókinn: „Kaflarnir eru stuttir og hnitmiðaðir, hér er vaðið beint áfram og ekkert dregið undan. Þessi frásagnaraðferð, sem hefur verið kölluð Dirty realism hentar efninu ákaflega vel.

Samantha segir söguna í fyrstu persónu. Svo virðist sem flestum í kringum hana sé ljóst að hún er á hraðri niðurleið, en enginn grípur inn í. Hún æðir áfram, lítur sjaldan til hliðar eða um öxl. Svakalegur töffari á yfirborðinu, en á bak við það leynist lítil og ringluð stelpa sem á enga ósk heitari en að einhverjum þyki vænt um sig. Hún hefur bara aldrei upplifað það og veit því ekki hvernig hún á að bera sig að til þess. Þetta hljómar sem margtuggin saga, en Ejersbo tekst að vinna þannig með klisjuna um barnið sem engum þykir vænt um að það er eins og enginn hafi skrifað um það áður.”

Og að lokum segir Anna Lilja: „Þetta er ekki notaleg lesning. Hrá, hröð, óvægin og ögrandi. En gríðarlega góð …”

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd