Hörður Grímsson snýr aftur

  • Höfundur: Ritstjórn Forlagsins
Stefán Máni

Stefán Máni sendi nýverið frá sér bókina Úlfshjarta sem fengið hefur frábærar viðtökur, bæði hjá kaupendum og gagnrýnendum, og framleiðslufyrirtækið Filmus hefur þegar tryggt sér kvikmyndaréttinn á. Bókin er ekki síst ætluð unglingum sem hafa verið ívið of ungir fyrir þær harðsvíruðu spennubækur sem höfundurinn er þekktastur fyrir. En Stefán Máni hefur ekki snúið bakinu við lesendahópnum sínum og leggur nú lokahönd á glæpasögu þar sem lögreglumaðurinn Hörður Grímsson verður í aðalhlutverki.

Stefán Máni segist taka upp þráðinn þar sem Feigð endaði en hún kom út árið 2011. „Hörður snýr aftur til starfa eftir ársleyfi. Hann er búinn að ættleiða barn og hefur lent í ýmsum ævintýrum. Söguþráður bókarinnar byggir á sönnum atburði, barnsráni, sem var framið árið 2006 á Íslandi,“ sagði höfundurinn í samtali við Viðskiptablaðið.

Þegar blaðamaðurinn spyr Stefán Mána hvort hann sé farinn að huga að næstu bók þar á eftir svarar hann snaggaralega: „Eigum við ekki aðeins að róa okkur? Maður er alveg sveittur í þessu akkúrat núna, það kemur bara í ljós.“ Það verður þó að teljast ósennilegt að þessi afkastamikli höfundur muni sitja auðum höndum þegar spennusaga haustsins verður komin í prentun – spurningin er bara hvað hann tekur sér fyrir hendur næst.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd