Höll sumarlandsins, byggt á Heimsljósi

  • Höfundur: Ritstjórn Forlagsins
halldor_laxness

Nú um stundir dvelur hópur íslenskra listamanna, undir forystu Ragnars Kjartanssonar, í Vínarborg og hafa þau umbreytt listasafni í kvikmyndaver og vinna að því að taka upp mynd byggða á Heimsljósi Halldórs Laxness. Verkið nefnist Höll sumarlandsins og er framhald á verki sem Ragnar og Kjartan Sveinsson, tónlistarmaður, settu upp í Volksbühne í Berlín fyrr á þessu ári.

Heimsljós hefur lengi verið Ragnari hugleikið. „Heimsljós er verk sem fjallar um listamanninn og þrána eftir fegurðinni sem er eitthvað svo fallega vonlaus,“ segir Ragnar í viðtali við Ríkisútvarpið. Ragnar dvelur ásamt hópi listamanna í Thyssen Bornemisza samtímalistasafninu í Vínarborg í rúman mánuð á meðan tökur standa yfir. Safnið er opið almenningi á meðan og hægt er að fylgjast með ferlinu.

Heimsljós Halldórs Laxness sem verk Ragnars byggir á er ein þekktasta og ástsælasta skáldsaga Halldórs Laxness, stórvirki sem upphaflega kom út í fjórum bókum á árunum 1937-40. Sagan fjallar um lífshlaup Ólafs Kárasonar Ljósvíkings, niðursetnings og alþýðuskálds sem aldrei á fullkomna samleið með öðru fólki. Ólafur er örsnauður, afskiptur og fyrirlitinn: leiksoppur og fótaþurrka þeirra sem einhvers mega sín. Ævi hans er óslitin þrautaganga en stefnan er ætíð skýr – til móts við fegurðina, þar sem engar sorgir búa. Heimsljós er margslungið átakaverk, áhrifaríkt, fyndið, róttækt og kraftmikið.

Til gamans má geta að Heimsljós var í 7. sæti á lista yfir kanónur sem Egill Helgason tók saman í Kiljunni. Á lista Kiljunnar voru fjögur öndvegisverk eftir Laxness í fyrstu 10 sætunum,

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd