Höfundar hylltir

  • Höfundur: Ritstjórn Forlagsins
Kristín Steinsdóttir, Sigurbjörg Þrastardóttir og Þorgrímur Þráinsson

Þrír af höfundum Forlagsins fengu hver sína viðurkenninguna á þjóðhátíðardaginn sem allar voru verðskuldaðar.

Þorgrímur Þráinsson var útnefndur borgarlistamaður Reykjavíkur við hátíðlega athöfn í Höfða. Með því fá íslenskir unglingar loksins málsvara í borgarlistamanninum því auk þess að vera höfundur fjölda vinsælla barna- og unglingabóka hefur hann á undanförnum árum beitt sér í forvörnum og fræðslu til íslenskra unglinga í borginni og um allt land.

Á Akranesi var skáldkonan Sigurbjörg Þrastardóttir sæmd titlinum bæjarlistamaður við hátíðlega athöfn. Sigurbjörg er fædd og uppalin á Akranesi og hefur sterk tengsl við heimabæ sinn sem sér meðal annars stað í sumum ljóða hennar. Þá keppti Sigurbjörg fyrir Akranes í Útsvari og stóð sig með mikilli prýði.

Loks var Kristín Steinsdóttir rithöfundur og formaður Rithöfundasambands Íslands sæmd heiðursmerki hinnar íslensku fálkaorðu við hátíðlega athöfn á Bessastöðum. Hún hlaut orðuna fyrir framlag sitt til íslenskra bókmennta sem er orðið ærið. Kristín sendi frá sér sína fyrstu bók 1987 og setti strax mark sitt á íslenskar barnabókmenntir. Undanfarin ár hefur hún sent frá sér skáldsögur sem hlotið hafa margs konar viðurkenningar.

Forlagið óskar Þorgrími, Sigurbjörgu og Kristínu innilega til hamingju með viðurkenningarnar og vonar að þær hvetji þau til dáða við ritstörfin.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd