Hin endanlega unglingabók

  • Höfundur: Ritstjórn Forlagsins
Unglingar

Leiksýningin um Unglinginn sló rækilega í gegn í Gaflaraleikhúsinu í fyrra en unglingunum Óla Gunnari og Arnóri liggur meira á hjarta og nú ætla þeir að skrifa bók. Hún ber vinnuheitið Leitin að tilgangi unglingsins – Smáfræðirit og verður að sögn höfundanna bók sem allir unglingar vilja lesa, líka þeir sem alls ekki nenna að lesa. Með unglingunum í liði er Bryndís Björgvinsdóttir, höfundur verðlaunabókarinnar Hafnfirðingabrandarans, en sjálf var hún ekki nema fimmtán ára þegar hún sendi frá sér sína fyrstu bók, Orðabók Ormars ofurmennis.

Höfundarnir ungu hafa þegar hlotið fyrstu umsögnina um bók sína því á dögunum hlutu þeir nýræktarstyrk Miðstöðvar Íslenskra bókmennta með eftirfarandi rökstuðningi: „Hér hafa þróttmiklir ungir listamenn, sem hafa þegar sannað sig í skapandi starfi, samið bráðskemmtilega, metnaðarfulla og frumlega bók. Höfundar lögðu upp með að semja áhugaverða sögu sem væri um leið uppflettirit fyrir unglinga og er óhætt að segja að þeim hafi tekist ætlunarverkið svo vel að eftir verði tekið.“

Bók þremenninganna er enn í vinnslu en það er óhætt að lofa því að hún verður hrikalega fyndin og skemmtileg – og algerlega ein sinnar tegundar. Í dag var samið við Óla Gunnar, Arnór og Bryndísi og bíða ritstjórar Forlagsins í ofvæni eftir því að handritið skili sér í hús.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd