Hér eru Freyja og Fróði!

  • Höfundur: Ritstjórn Forlagsins
Freyja og Fróði

Þessar glænýju bækur um Freyju og Fróða eru upphafið af yndislegum nýjum bókaflokki eftir þær Kristjönu Friðbjörnsdóttur og Bergrúnu Írisi Sævarsdóttur. Fyrstu tvær bækurnar: Freyja og Fróði hjá tannlækni og Freyja og Fróði fara í sund koma út samtímis.

Bækurnar eru ætlaðar krökkum á leikskólaaldri og eru henta vel í lestrarstundir með foreldrum eða kennurum.

Viltu koma í sund með Freyju og Fróða? Þá færðu að bruna í rennibrautinni og sulla í heita pottinum en þú mátt alls ekki fara í djúpu laugina nema þú kunnir vel að synda. Freyja og Fróði í sundi er falleg og fjörug bók um allt sem þarf að hafa í huga þegar farið er í sund.

Viltu fara til tannlæknis með Freyju og Fróða? Þá máttu prófa flotta tannlæknastólinn og skoða öll tækin. Kannski færðu líka töfraduft á tennurnar. Freyja og Fróði hjá tannlækni er falleg og fjörug bók um fyrstu heimsóknina til tannlæknis.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd