Heimanfylgja lesin í heild sinni

  • Höfundur: Ritstjórn Forlagsins
Steinunn við Gröf

Dagana 9.-14. ágúst mun Steinunn Jóhannesdóttir, höfundur bókarinnar Heimanfylgju, dvelja norður í Skagafirði og lesa fyrrnefnda bók frá upphafi til enda, fyrst í gömlu torfkirkjunni í Gröf á Höfðaströnd, síðan í Auðunarstofu á Hólum í Hjaltadal.

Flutningurinn er upptaktur að Hólahátíð og einn þeirra viðburða sem tengjast minningu Hallgríms Péturssonar. Á Hólahátíð verður að þessu sinni lögð áhersla á skagfirskan uppruna Hallgríms, uppvöxt hans á biskupsstólnum og þau mótandi áhrif sem hann varð þar fyrir. Steinunn mun einnig halda fyrirlestur um efnið á Hólahátíð.

Steinunn segir að hana hafi langað að gefa Skagfirðingum nýtt tækifæri til þess að kynnast Hallgrími Péturssyni sem barni og unglingi á uppvaxtarslóðum hans. „Færa hann nær nútímafólki í þessu víðáttumikla héraði sem á sér svo ríka og merka sögu. Og tækifærið til þess er einmit núna þegar þess er minnast að 400 ár eru liðin frá fæðingu þessa höfuðskálds okkar Íslendinga.“

Í haust er von á annarri bók eftir Steinunni um Hallgrím en hún heitir Jólin hans Hallgríms og er afskaplega hugljúf saga fagurlega myndskreytt af Önnu Cyntiu Leplar.

Lestur hefst í torfkirkjunni í Gröf á Höfðaströnd laugardaginn 9. ágúst kl. 14.00 og stendur með stuttum hléum til kl.17:50. Lestri er haldið áfram í Auðunarstofu á Hólum í Hjaltadal sunnudaginn 10. ágúst kl. 20:00 og stendur með einu hléi til um það bil 22. Næstu daga hefst svo lesturinn kl. 16 og stendur fram eftir degi.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd