Heildarsafn Irène Némirovsky

  • Höfundur: Ritstjórn Forlagsins
Irene Nemirovsky

Skáldsagan Frönsk svíta eftir Irène Némirovsky kom fyrst út í París árið 2004, sextíu og tveimur árum eftir  að höfundurinn lést í útrýmingarbúðum nasista í Auschwitz í júlí 1942, og hefur farið sigurför um heiminn. Margar skáldsagna hennar hafa verið endurútgefnar síðan, en miðvikudaginn 9. nóvember koma öll verk hennar út í París í fyrsta sinn, í tveimur bindum eða alls um 4000 blaðsíður. Hér er um að ræða texta frá því hún var að byrja að skrifa, blaðagreinar, smásögur, kvikmyndahandrit og skáldsögur.  Þarna birtist talsvert efni eftir hana í fyrsta sinn, en auk þess prýða útgáfuna svipmyndir úr ævi Irène Némirovsky.
Þessi myndarlega útgáfa verður síðan undirstaða þýðinga á verkum eftir Irène Némirovsky í framtíðinni um heim allan. Dóttir Némirovsky, Denise Epstein, skrifar aðfararorð en Olivier Philipponnat skrifar formála og kynnir hvert verk fyrir sig, en þau Epstein og Philipponat komu hingað til lands í september s.l. þegar Frönsk svíta kom út á íslensku.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd