Hanne-Vibeke Holst í heimsókn

  • Höfundur: Ritstjórn Forlagsins
Hanne-Vibeke Holst og Halldóra Jónsdóttir

Norræna húsið var stappfullt í gærkvöldi – setið í öllum sætum í sal og bókasafni og staðið fyrir aftan þau – þegar danski rithöfundurinn Hanne-Vibeke Holst spjallaði við þýðanda sinn, Halldóru Jónsdóttur, um nýjustu skáldsögu sína, Iðrun. Hún sagði frá bókinni og tengdi efni hennar skemmtilega við sína eigin móðurfjölskyldu. Til dæmis hafði afi hennar verið í andspyrnuhreyfingunni eins og ættfaðirinn Thorvald í Iðrun og amma hennar hafði ævinlega verið bitur út í ástkonuna sem hann átti meðan hann fór huldu höfði í Kaupmannahöfn – eins og Gerda eiginkona Thorvalds. Eftir að móðir Hanne-Vibeke lést, rithöfundurinn Kirsten Holst, fann Hanne vandlega falinn bunka af ástarbréfum sem ekki voru skrifuð af föðurnum, Knud Holst, heldur öðrum manni, og í ljós kom að í fjölskyldu Hanne-Vibeke sjálfrar leyndust alvarleg leyndarmál og lygar. Þó að móðirin vissi ein af þeim lygum hefur Hanne-Vibeke trú á því að þær hafi eitrað samband móðurinnar við dæturnar þrjár. Lesendur Iðrunar eiga létt með að tengja þær pælingar við bókina.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd