10 ráð til að hætta að drepa fólk og byrja að vaska upp kom út á dönsku á dögunum, undir heitinu: Lejemorderens guide til et smukt hjem. Ellen Boen þýddi og Lindhardt og Ringhof gefur út. Bókin hefur fengið frábæra dóma í dönskum fjölmiðlum. ”Underholdende gangsterkomedie” og ”Barok humor og storhed” hljóma fyrirsagnir. Politiken gaf henni fjórar stjörnur og Jyllandsposten fimm stjörnur. Í sjónvarpi sagði menningarritstjóri Jyllandsposten hana eina af tveimur bestu bókum haustsins. Salan hefur einnig farið vel af stað og seldust 1.500 eintök af henni á fyrstu tveimur vikunum. Bókin er líka gefin út sem hljóðbók og nýlega valdi Danska ríkisútvarpið hana í hóp Podcast-bóka sinna.
„Hallgrímur Helgason er rithöfundur af guðs náð, skemmtilegur og liggur mikið á hjarta.“
MetroXpress
****
„Bókin er ekki eins stór í sniðum og tvær síðustu bækur [Hallgríms], Höfundur Íslands og Rokland, en skemmtileg er hún.“
Politiken
*****
„Líkt og í Roklandi sér hann Ísland með augum ótrúverðugrar og ekki lítið hlægilegrar persónu, og það er mjög skemmtilegt að fylgjast með menningarlegum árekstrum milli hins austur-evrópska morðingja og hinna guðhræddu Íslendinga. Smám saman verður hún … einnig raunveruleg, mjög uppbyggileg og hlý saga …“
Jyllandsposten
„Með venjulegum og áhrifaríkum stíl nær Hallgrímur Helgason að láta okkur finna til með ógeðfelldri aðalpersónunni.“
Kristeligt Dagblad




