Hallberg Hallmundsson látinn

  • Höfundur: Ritstjórn Forlagsins
Hallberg Hallmundsson
Hallberg Hallmundsson rithöfundur lést 28. janúar sl., áttræður að aldri. Hann var mikilvirkur þýðandi, ritstjóri og ljóðskáld og verður framlag hans til íslenskra bókmennta, og kynningar þeirra erlendis, seint þakkað. Hallberg ólst upp í Reykjavík frá fjögurra ára aldri, hann lauk B.A. prófi í sögu og landafræði frá HÍ og las síðar spænsku við Háskólann í Barcelona.
Hallberg var fyrsti starfsmaður Valdimars Jóhannssonar hjá bókaútgáfunni Iðunni þar sem hann las prófarkir, þýddi barnabækur og hannaði bókakápur á árunum 1956-60. Þrítugur að aldri fluttist Hallberg til New York með bandarískri eiginkonu sinni þar sem hann vann sem ritstjóri alfræðiorðabóka á árunum 1961–1982 og síðar á Business Week 1984–2001.

Árið 2002 flutti Hallberg aftur til Íslands og skrifaði umsagnir um íslenskar bækur fyrir World Literature Today og var einn af ráðgjöfum þess um val bóka til umsagnar. Hallberg stundaði jafnframt þýðingarstörf, bæði af og á íslensku, allt frá því hann flutti utan. Hallberg skrifaði margar greinar, langar og stuttar, á ensku um íslensk og norræn málefni og einnig fjölda greina um bókmenntaleg og sagnfræðileg efni.

Á Íslandi hafa komið út fimmtán ljóðabækur eftir Hallberg og tvö smásagnasöfn; auk þess ritstýrði hann An Anthology of Scandinavian Literature (1966) og Icelandic Folk and Fairy Tales (1987). Þýðingar hans á íslensku losa fimmta tuginn.

Á áttræðisafmæli Hallbergs kom út ljóðasafn hans Á barmi næturinnar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd