Hálfbróðirinn á skjánum

  • Höfundur: Ritstjórn Forlagsins

Skáldsagan Hálfbróðirinn eftir Lars Saabye Christensen á sér fjölmarga aðdáendur og nú mun þeim að sönnu fjölga því RÚV hefur tekið til sýninga þáttaröð byggða á bókinni. Bókin rekur dramatíska fjölskyldusögu Barnums sem segir frá sjálfum sér, hrokkinhærða stráknum sem stendur ekki út úr hnefa og dreymir tregafulla dagdrauma; frá Fred, boxaranum og næturmanninum sem kemur og fer eins og honum sýnist; frá móður þeirra og föður sínum, spjátrungnum úr norðri sem ók inn í líf þeirra handarlaus á gulum Buick; frá ömmu sinni með Malaga-ilminn og langömmunni sem lifði sitt blómaskeið sem leikkona í þöglu myndunum; og síðast en ekki síst frá bréfinu dýrmæta, bréfinu sem langafinn skrifaði frá Grænlandi áður en hann týndist.

Bókin hlaut Bókmenntaverðlaun Norðurlandaráðs á sínum tíma og hefur ennfremur hlotið lof og prís víða um heim.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd