Gunnar Helgason og Elías Rúni eru tilnefndir til heiðursverðlauna IBBY!

  • Höfundur: Ritstjórn Forlagsins

Annað hvert ár tilnefnda landsdeildir alþjóðlegu barnabókasamtakanna IBBY rithöfund, myndhöfund og þýðanda á heiðurslista sinn, og fara bækur þeirra í kjölfarið á bókasýningu sem ferðast um heiminn í tvö ár. Í ár eru tveir Forlagshöfundar í þessum hópi, Gunnar Helgason og Elías Rúni.

Gunnar er tilnefndur fyrir fyrstu bókina um Alexander Daníel Hermann Dawidsson – Bannað að eyðileggja, en dómnefnd IBBY hefur þetta að segja um bókina: „Gunnar Helgason er einn okkar fremstu barnabókahöfunda og með bókunum um Alexander Daníel Hermann Dawidsson varpar hann ljósi á erfið málefni, innflytjendasamfélag, fordóma og það hvernig er að vera með ADHD.“ Á síðasta ári kom út framhald tilnefndu bókarinnar, Bannað að ljúga, og þriðja bókin um Alexander, Bannað að drepa, er væntanleg innan skamms.

Elías er tilnefndur fyrir fyrstu bókina í bókaflokkum Vísindalæsi, Sólkerfið, og dómnefnd hefur þetta að segja um myndir hans: „Myndlýsingar Elíasar Rúna í Vísindalæsi: Sólkerfið eru fersk viðbót í barnabókaflóruna. Myndirnar eru uppfullar af húmor á sama tíma og þær útskýra flókin hugtök á aðgengilegan hátt.“ Bókaflokkurinn Vísindalæsi eftir Elías Rúna og Sævar Helga Bragason hefur líka stækkað síðan Sólkerfið kom út, við hafa bæst Umhverfið og Úps – mistök sem breyttu heiminum og innan skamms er væntanleg fjórða bókin sem ber titilinn Hamfarir.

Forlagið óskar Gunnari og Elíasi innilega til hamingju með þessar tilnefningar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd