Guðrún Jónsdóttir látin

  • Höfundur: Ritstjórn Forlagsins

Guðrún Jónsdóttir félagsráðgjafi er látin. Guðrún var fædd í Vík í Mýrdal þann 16. júní árið 1931. Eftir stúdentspróf stundaði hún nám í félagsráðgjöf í Svíþjóð. Hún var fyrst Íslendinga til að mennta sig í faginu og byggði upp nám í félagsráðgjöf við Háskóla Íslands, þar sem hún starfaði sem kennslustjóri í tíu ár. Árið 1991 lauk Guðrún doktorsprófi frá Háskólanum við Sheffield. Við rannsóknina tók hún viðtöl við 27 brotaþola sifjaspella um reynslu þeirra af kynferðisofbeldi í æsku. Guðrún lét víða til sín taka í íslensku samfélagi en var einna þekktust fyrir kvenfrelsisbaráttuna. Hún var oddviti Kvennaframboðsins, kom að stofnun Kvennalista, Kvennaráðgjafar, Kvennaathvarfs og Samtaka kvenna á vinnumarkaði, auk þess sem hún var í lykilhlutverki við stofnun Stígamóta. Hún hlut riddarakross hinnar íslensku fálkaorðu árið 2007 fyrir frumherjastörf í félagsráðgjöf og framlag til réttindabaráttu.

Ævi- og baráttusaga Guðrúnar, Ég verð aldrei ungfrú meðfærileg, kom út árið 2023 og hlaut tilnefningu til Íslensku bókmenntaverðlaunanna. Í tilefni útgáfunnar stóðu Forlagið, Stígamót, Kvennaráðgjöfin, Félagsráðgjafafélag Íslands og félagsráðgjafadeild Háskóla Íslands fyrir málþingi til heiðurs Guðrúnu. 

Forlagið sendir ættingjum og vinum innilegar samúðarkveðjur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd