Guðmundur Páll Ólafsson látinn

  • Höfundur: Ritstjórn Forlagsins
Guðmundur Páll Ólafsson

Guðmundur Páll Ólafsson náttúrufræðingur, rithöfundur, ljósmyndari og náttúruverndari lést þann 30. ágúst eftir erfiða baráttu við krabbamein. Guðmundur Páll var brautryðjandi í íslenskri náttúruverndarbaráttu og skilur eftir sig glæsilegar bækur sem hafa haft mikil áhrif á náttúruvitund og þekkingu almennings. Í bókum hans má finna víðtækan fróðleik, náttúrufræði, ljóð og heimspeki í fullkomnu samræmi við heimssýn hans.

Guðmundur Páll var fæddur árið 1941 á Húsavík. Hann stundaði háskólanám og ýmis störf í Bandaríkjununum, starfaði sem skólastjóri og kennari á grunnskóla- og menntaskólastigi, lærði ljósmyndun og stundaði doktorsnám í sjávarlíffræði við Stokkhólmsháskóla. Á áttunda áratuginum starfaði Guðmundur Páll í Flatey á Breiðafirði, var skólastjóri og kennari, stundaði náttúru- og heimildaljósmyndun og kvikmyndagerð um þúsund ára sambúð manns og náttúru í Flateyjarhreppi.

Síðustu áratugina starfaði Guðmundur Páll jöfnum höndum sem rithöfundur, náttúrufræðingur, náttúruljósmyndari, virkur náttúruverndari og fyrirlesari heima og erlendis.

Guðmundur Páll hefur hlotið margvíslega viðurkenningu fyrir verk sín, hlaut m.a. Íslensku bókmenntaverðlaunin árið 2001 fyrir Hálendið í náttúru Íslands og var tilnefdur til sömu verðlauna árið 1990 fyrir Perlur í náttúru Íslands og 1995 fyrir Ströndina í náttúru Íslands.

Starfsfólk Forlagsins er þakklátt fyrir samstarfið við Guðmund Pál og vottar fjölskyldu hans og vinum innilega samúð sína.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd