Guðmundur Andri og Hallgrímur tilnefndir

  • Höfundur: Ritstjórn Forlagsins
Hallgrímur Helgason og Guðmundur Andri Thorsson

Guðmundur Andri Thorsson og Hallgrímur Helgason eru tilnefndir til bókmenntaverðlauna Norðurlandaráðs 2013 fyrir Íslands hönd. Guðmundur Andri hlýtur tilnefningu fyrir Valeyrarvalsinn og Hallgrímur fyrir Konan við 1000°.

Aðrir sem hlutu tilnefningu eru dönsku höfundarnir Josefine Klougart fyrir Én af os sover, og Kim Leine fyrir Profeterne i Evighedsfjorden. Fyrir Finnlands hönd voru tilnefndar Rosa Liksom fyrir Hytti nro 6 og Ulla-Lena Lundberg, fyrir Is, en sama bók er tilnefnd af hálfu Álands. Norsku höfundarnir sem eru tilnefndir eru Nils-Øivind Haagensen fyrir God morgen og god natt og Ole Robert Sunde fyrir Krigen var min families historie. Lars Norén, sem skrifaði Filosofins natt og Johannes Anyuru með En storm kom från paradiset eru tilnefndir fyrir hönd Svíþjóðar.

Færeyingurinn Jóanes Nielsen er tilnefndur fyrir Brahmadellarnir, hin grænlenska Mariane Petersen fyrir Piniartorsuit kinguaavi og Sollaug Sárgon fær tilnefningu höfunda sem rita á samamáli fyrir Savvon bálgáid louttastit.

Forlagið óskar Hallgrími og Guðmundi Andra innilega til hamingju með tilnefninguna.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd