Græðarinn fær fjórar stjörnur

  • Höfundur: Ritstjórn Forlagsins
Antti Tuomainen

Steinþór Guðbjartsson er ónískur við nýju finnsku spennubókina Græðarann í Morgunblaðinu í dag, hann gefur henni fjórar stjörnur og finnst hún bæði spennandi og athyglisverður reyfari: „Það hlaut að koma að því að spennubók yrði skrifuð út frá hugsanlegum afleiðingum loftslagsbreytinga,” segir hann „Græðarinn gerist í Helsinki og ýtir ekki beint undir bjartsýni í sambandi við framtíðina.” Heimurinn er á heljarþröm, einkum er suðrið illa farið en norðrið er draumastaðurinn og Norður-Kanada er sem himnaríki á jörðu. „Í öllum þessum hörmungum ríkir stjórnleysi. Menn myrða vinstri, hægri og Græðarinn segist vera málsvari veraldar á leið til tortímingar, myrðir þá sem að hans mati hafa flýtt fyrir loftslagsbreytingunum. Yfirvöld hafa hvorki tíma né mannskap til að eltast við morðingja og hvað þá að leita að týndri blaðakonu. Þá kemur til kasta elskhugans og um það fjallar sagan, leit eiginmannsins að eiginkonunni.”

Þetta er ekki falleg saga, segir Steinþór. „Vonleysið er algjört og nær alls staðar komið að lokuðum dyrum. Ofbeldið er gegndarlaust en þrátt fyrir miskunnarleysið örlar enn á manngæsku. Þrátt fyrir allt er von. … Framtíðarsýnin er svört en þar sem er kærleikur þar er ást og hún getur gert kraftaverk.”

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd