Gott gengi Guðrúnar

  • Höfundur: Ritstjórn Forlagsins
Guðrún Helgadóttir

Guðrún Helgadóttir, einn vinsælasti barnabókahöfundur þjóðarinnar, hefur slegið í gegn í Þýskalandi undanfarin misseri. Bók hennar Bara gaman, sem gefin var út af Forlaginu 2008, kom út í Þýskalandi síðastliðið sumar og hefur vakið stormandi lukku. Bara gaman er fjörug fjölskyldusaga þar sem lesendum býðst að dvelja sumarlangt með fjölskyldunni á Bakkabæ og það er bara gaman!

Bókinni hefur raunar gengið svo vel að hún hefur selst upp, verið endurprentuð og hlotið viðurkenningu sem ein af bestu barnabókum ársins í Þýskalandi árið 2013.

Árið 2014 markar 40 ára rithöfundaafmæli Guðrúnar og það má því með sanni segja að hún hefji árið af krafti.

Hér að neðan má lesa brot úr dómum í þýskum fjölmiðlum um Bara gaman:

„Fjölskyldusaga sem hlýjar lesendum um hjartaræturnar … einstaklega næmt auga fyrir spaugilegu hliðunum á lífinu.“
Süddeutsche Zeitung

„Guðrún Helgadóttir er þekktasti barnabókahöfundur Íslands … ef hinar bækurnar hennar eru jafnfrábærar og þessi væri óskandi að forlagið drifi í að láta þýða þær líka.“
NDR / HF

„Guðrún Helgadóttir skrifar af svo mikilli hlýju og næmni að manni dettur helst í hug að hún sé sjálf enn barn … Bara gaman er frábærlega vel heppnuð að öllu leyti: spennandi, fyndin og hjartnæm.“
Augsburger Allgemeine

„Mikilvægum lífsgildum og gullkornum er miðlað frá sjónarhóli barnanna þriggja, til dæmis að það sé vel hægt að lifa góðu lífi þótt efnin séu lítil og að það sé mikilvægt að allir hugsi vel um umhverfi sitt. Þetta er bók sem ætti að vera í til á hverju barnabókasafni.“
bibliotheksnachrichten

„Töfrandi saga um fjölskyldulíf þar sem fólk lifir, elskar, spjallar, hlær og grætur saman. Með einföldum frásagnarstíl og mikilvægum boðskap fangar Guðrún Helgadóttir allt sem er best og fallegast í lífinu og færir það lesendum.“
www. buchrezicenter.de

„Ritstíllinn er einstaklega lipur og bókin sérlega læsileg, jafnvel fyrir börn frá sjö eða átta ára aldri … Í frásögninni er söguþræðinum leyft að njóta sín … Börnunum er einstaklega vel lýst og hvert þeirra hefur sín sérstöku persónueinkenni … Hér er miðlað veigamiklum gildum, svo sem að það sé vel hægt að lifa skemmtilegu hversdagslífi þótt lítið sé um peningana og að samheldni fjölskyldunnar skipti mestu. … Ætli sé von á framhaldi?“
www.buechertreff.de

„Guðrún Helgadóttir, þekktasti barnabókahöfundur Íslands, glæðir alla frásögnina lífsspeki og húmor. Þessi bók hentar fullkomlega til upplestrar.“
NZZ am Sonntag

„Guðrún Helgadóttir er verðugur arftaki Astrid Lindgren, enda skemmtir hún ungum lesendum með æsispennandi og fjörlegri atburðarás sem bæði kallar fram hlátur og vekur upp sterkar tilfinningar. Þessi bók heillar stóra sem smáa með frumlegri sögu og leiftrandi kímni.“
Literaturmarkt

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd