Gluggað í dagbók frá veröld sem var

  • Höfundur: Ritstjórn Forlagsins
Dagbók frá veröld sem var

Ljósmyndasýning með Íslandsmyndum Emils Edgren verður opnuð í Þjóðminjasafninu nk. föstudag í tilefni af útkomu bókarinnar Dagbók frá veröld sem var.  Á árum heimsstyrjaldarinnar síðari var hinn sænski Emil Edgren ljósmyndari hjá Ljósmyndaþjónustu bandaríska hersins í Evrópu og dvaldi þá meðal annars á Íslandi.  Edgren var þá tvítugur að aldri en myndefni hans var fólk, híbýli, götur og landslag. Annars staðar í Evrópu geisaði styrjöldin með eyðileggingarmætti sínum en myndirnar frá Íslandi mynda sterka andstæðu við myndir þaðan. Hér var fólk önnum kafið við hversdagsleg störf, búskap, þvotta, vöruflutninga, og sérstaka athygli vekja hrífandi myndir af börnum við leik og störf. Margar myndanna tók Edgren í Hafnarfirði og nágrenni, í braggahverfunum og í miðbæ Reykjavíkur en þær segja sögu frá horfnum heimi – og hjálpa okkur að rifja upp liðna tíð en líka að sjá það sem aldrei breytist.

Edgren skapaði sér nafn sem virtur ljósmyndari og hann fékk þó nokkrar viðurkenningar fyrir störf sín, meðal annars fyrstu verðlaun á alþjóðlegu ljósmyndasýningunni í San Francisco árið 1952, í fyrsta skipti sem hún var haldin. Ljósmyndir hans af vígvöllunum voru birtar í vinsælum blöðum og tímaritnum, meðal annars í tímaritinu Life.

Emil Edgren er nú á tíræðisaldri og býr með konu sinni Lucille í Capitola í Kaliforníu. Hann er enn óþreytandi ljósmyndari og sést iðulega á gangi nærri heimili sínu mundandi myndavélina. Nú til dags notar hann stafræna myndavél en gamla Speed Graphic-vélin er enn nothæf.

Sýningin stendur til 23. nóvember.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd