Glæpurinn hlýtur einróma lof!

  • Höfundur: Ritstjórn Forlagsins
Árni Þórarinsson

Gagnrýnendur eru á einu máli um ágæti nýrrar bókar Árna Þórarinssonar, Glæpurinn – Ástarsaga, og keppast við ausa yfir hana lofi. Bókin trónir ofarlega á topplistum bóksala og allt bendir til að þessi nýji tónn sem Árna slær með verkinu renni ljúflega í landann. Glæpurinn er grípandi, áleitin og áhrifamikil nútímasaga en sem lætur engan ósnortinn. Ýmsir gagnrýnendur hafa bent á að ekki megi gefa of mikið upp um söguþráðinn til þess spilla ekki sögunni fyrir lesendum svo við mælum með að þú skellir þér á eintak sem allra fyrst!

Hér eru brot úr dómum um Glæpinn:

****
„Árni vekur forvitni strax frá fyrstu síðu og sogar lesandann inn í grimma örlagasöguna sem ómögulegt er annað að lesa í einum rykk. Glæpurinn er virkilega haganlega samansett og flott saga …“
Þórarinn Þórarinsson / Fréttatíminn

****
„Sagan er nefnilega þrælspennandi og erfitt að leggja hana frá sér fyrr en að lestri loknum … Það er eldgömul og útslitin klisja að lesandanum renni kalt vatn milli skinns og hörunds við lestur en það er nákvæmlega það sem hér gerist þegar lesandinn loks áttar sig á því um hvað málið snýst. 
Virkilega glæsilega gert.“

Friðrika Benónýsdóttir / Fréttablaðið

„Prýðileg og óvænt saga hjá Árna sem hlýtur að hreyfa við öllum lesendum.“
Kolbrún Bergþórsdóttir / Kiljan

„Spennandi alveg frá fyrstu síðu … þétt verk, virkilega vel heppnað.“
Sigurður G. Valgeirsson / Kiljan

„Ógleymanlegar persónur sem glíma við óbærileg örlög. Listavel skrifað.“
Árni Matthíasson

„Hér sýnir Árni nýja hlið þar sem frásagnarlistin fær að njóta sín. Saga sem heldur manni við efnið.“
Katrín Jakobsdóttir

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd