Glæpsamlega góð

  • Höfundur: Ritstjórn Forlagsins
Árni Þórarinsson

Fyrr í vikunni kom út ný skáldsaga eftir hinn ástsæla Árna Þórarinsson, Glæpurinn – Ástarsaga. Í verkinu kveður við nýjan tón á höfundaferli Árna, sem hingað til hefur verið þekktastur fyrir glæpasögur sínar, en sagan er átakanleg samtímaástarsaga um skugghliðar mannlífsins. Gagnrýnendum Kiljunnar þótti mikið til bókarinnar koma og sammæltust um að þarna væri um frábært verk að ræða, sagan risti djúpt og væri þarft innlegg í umræðu dagsins í dag. Eftirfarandi tilvitnanir tala sínu máli:

„Prýðileg og óvænt saga hjá Árna sem hlýtur að hreyfa við öllum lesendum.“
Kolbrún Bergþórsdóttir / Kiljan

„Spennandi alveg frá fyrstu síðu … þétt verk, virkilega vel heppnað.“
Sigurður G. Valgeirsson / Kiljan

Eins og Kolbrún benti sömuleiðis á er nokkuð erfitt fyrir gagnrýnendur að tala um bókina án þess að spilla söguþræðingum fyrir lesendum. Við mælum því með að þið, kæru lesendur, verðið ykkur úti um eintak sem allra fyrst og kynnið ykkur þessa frábæru bók.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd