Gerður Kristný í Hannesarholti

  • Höfundur: Ritstjórn Forlagsins

Þriðjudaginn 18. nóvember kynnir Gerður Kristný nýútkomna ljóðabók sína, Drápu, og segir frá tilurð hennar á bókmenntakvöldi í Hannesarholti við Grundarstíg.

Í Drápu er sögð áhrifamikil saga í ljóði sem hefst nóttina þegar myrkusinn kemur til borgarinnar. Bókin hefur fengið frábærar viðtökur í fjölmiðlum. Í fjögurra stjörnu dómi í Fréttablaðinu segir Friðrika Benónýsdóttir meðal annars: „Það er þó vel áhættunnar virði að sökkva sér ofan í heim Drápu. Gerður Kristný fer hér á kostum í því sem hún gerir best; að tálga ljóðformið þannig að hver mynd verði eins og svipuhögg og leika sér með möguleika tungumálsins þannig að úr verður ný og óvænt upplifun á nánast hverri síðu.“


Guðrún Baldvinsdóttir skrifar um ljóðabálkinn í vefritið Hugrás og segir Gerði slá helstu glæpasagnahöfunda landsins út í óhugnaði þótt orðin séu færri: „Myrkustjaldinu er tjaldað yfir borgina, og inni í því gerast hræðilegir atburðir … lesandinn neyðist til þess að lesa oftar en einu sinni … óhugnaðurinn hefur einkennilegt aðdráttarafl.“ Niðurstaða Guðrúnar er að Drápa sé „heillandi verk um hræðilegan heim sem stendur okkur því miður alltof nærri.“
Þá fjallar Jakob S. Jónsson um bókina í Vikunni og segir Drápu standa undir nafni: „Gerður Kristný slær á þyngri strengi og myrkari en einatt áður í sínum skáldskap. En á móti hinu myrka og drungalega kemur léttleiki og fegurð tungumálsins, sem Gerður hefur svo sannarlega á valdi sínu.“

Ljóð Gerðar Kristnýjar hafa heillað lesendur um allan heim og fyrir þau hefur hún meðal annars fengið Íslensku bókmenntaverðlaunin og verið tilnefnd til Bókmenntaverðlauna Norðurlandaráðs. Aðgangseyrir á ljóðakvöldið er 1.000 kr. og hægt er að kaupa miða hér. Drápa verður til sölu á staðnum ásamt Ljóðasafni Gerðar sem kom út í vor.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd