Gaute Heivoll fær Sult-verðlaunin

  • Höfundur: Ritstjórn Forlagsins
Gaute Heivoll

Mál og menning gefur út í haust skáldsöguna Meðan enn er glóð, eina heitustu skáldsöguna á bókamessunni í Frankfurt í fyrra. Hún er eftir ungan norskan rithöfund, Gaute Heivoll, og fjallar um brennuvarg sem heldur lítilli sveit í heljargreipum. Bókin hefur vakið mikla athygli í heimalandinu og færði höfundi sínum fyrst Brage-verðlaunin fyrir bestu skáldsögu ársins 2010 og nú í vikunni fékk hann svo hin eftirsóttu Sult-verðlaun upp á 200.000 norskar krónur.

Í viðtali við Aftenposten í Noregi segist Gaute Heivoll ekki hafa hugmynd um hver lykillinn sé að því að skrifa verðlaunabækur eða hvar eigi helst að leita hans. Málið er að þreifa sig áfram og skrifa sem mest áður en sjálfsgagnrýnin rekur upp sinn ljóta haus. Honum finnst best að skrifa snemma á morgnana, milli sex og níu, og það kemur varla fyrir að hann skrifi eftir hádegi. “Konan mín veit alltaf nákvæmlega hvernig mér gengur að skrifa. Enginn er eins hamingjusamur og hamingjusamur rithöfundur og enginn eins óhamingjusamur og óhamingjusamur rithöfundur,” segir hann.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd