Galdur Þórunnar

  • Höfundur: Ritstjórn Forlagsins

Svavar Gestsson fyrrverandi ráð- og sendiherra fjallaði nýverið um nýjustu bók Þórunnar Valdimarsdóttur, Mörg eru ljónsins eyru, á vef sínum. Það er ljóst að Þórunn á vísan stað í bókhillum á þeim bænum og nýjasta verk hennar svíkur ekki. Svavar segir:

„Þórunn Valdimarsdóttir er mikill uppáhaldshöfundur á mínum bæ. Það gerir ekki síst Matthías Jochumsson. Það er þess vegna með sérlegri ánægju að ég tek mér í hönd bók eftir hana og les svo og les í einni rispu. Það er engin leið að hætta eins og segir í ljóðinu. Fyrst fannst mér hún reyndar með dálitla stæla í stíl framan til; en það venst vel og verður að lokum skemmtilegt.

Bókin er Laxdæla nútímans; að vísu finnst okkur að allt sem minnir á það rit í nútíð ætti gjarnan að gerast hjá okkur fyrir vestan. Við viljum helst að hádramað sé á Svínadal neðan til og í Selinu í Sælingsdal. Að þeir sem farast farist í Hvammsfirði. Sumir myndu segja að þetta lýsti bara eigingirni Dalamanna og það er kanski þannig. Sviptingar Laxdælu flytur Þórunn hins vegar beinlínis á mölina og í hrunið.  Hver flækja er leyst með göldrum sem oftast ganga alveg upp. Og að lokum erum við sátt; líka við sem teljum að við eigum sögusvið Laxdælu. Þeir sem hafa lesið Laxdælu hafa ánægju af þessari bók. Þeir sem ekki hafa lesið Laxdælu munu gera það eftir að hafa lesið þessa bók.

Þórunn Valdimarsdóttur verður áfram uppáhaldshöfundur í mínu húsi.“

Vefur Svavars.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd