Fyrsta íslenska tebókin!

  • Höfundur: Ritstjórn Forlagsins
Tebókin

Í dag dreifum við Tebókinni sem er fyrsta alíslenska bókin sem fjallar um te og tedrykkju, nautnina og heilsuna, gerðir og aðferðir.

Te er, á eftir vatni, vinsælasti drykkur jarðar svo það er ekki seinna vænna að allar helstu upplýsingar um þennan undradrykk séu til reiðu á íslensku. Höfundar bókarinnar eru hjónin Árni Zophaníasson og Ingibjörg Jóna Friðbertsdóttir en þau eru eigendur Tefélagsins sem hefur að markmiði að fræða Íslendinga um dásemdir tes. Tefélagið er lítið fjölskyldufyrirtæki sem hefur notið mikilla vinsælda síðan þau byrjuðu en þau flytja inn sitt eigði te og bjóða upp á að fá te í áskrift.

Á Menningarnótt verður Tefélagið með testofu í miðbænum eins og fyrri ár en mikil ásókn hefur verið á þann viðburð. Í þetta skipti verður testofan haldin í Lýðveldisgarðinum við Hverfisgötu (garðurinn á milli Þjóðleikhússins og Danska sendiráðsins).

Laufblöð teplöntunnar fara langa og flókna leið áður en þau ilma úr bolla á Íslandi. Í þessari bók er ferli teræktunarinnar rakið, gerð grein fyrir sögu tesins, fjallað um fjölbreyttar tegundir og framandi bragð og listina að laga ljúffengt te.

Te fyrir alla!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd