Fyrsta hefti TMM 2016 er komið út

  • Höfundur: Ritstjórn Forlagsins
TMM1 2016

Út er komin fyrsta hefti ársins af Tímariti Máls og menningar. Að vanda er þar fjölbreytt efni um bókmenntir og samfélag, og þar eru ljóð, sögur og umsagnir um bækur.

Meðal efnis má nefna verðlaunaljóð Dags Hjartarsonar sem hann fékk Ljóðstaf Jóns úr Vör nýlega fyrir og nýtt ljóð eftir Böðvar Guðmundsson þar sem ort er um gamlan útrásarvíking. Guðrún Nordal forstöðumaður Stofnunar Árna Magnússonar ritar grein um bókmenntaarf Íslendinga og hvernig hann verður ávaxtaður og hans gætt á nýrri öld. Viðtal Kristínar Ómarsdóttur er á sínum stað, en að þessu sinni ræðir hún við Rögnu Sigurðardóttur. Gunnþórunn Guðmundsdóttir skrifar um bækur Jóns Gnarr en Egill Bjarnason skoðar tildrög og útbreiðslu þess siðar í ritdómum hér á landi að gefa stjörnur fyrir bækur, og sýnir fram á tilhneigingu til síaukins örlætis í stjörnugjöfinni. Jón Ólafsson heimspekingur fjallar um umræðu hér á landi um spillingu í stjórnmálum og smásaga er eftir Hauk Ingvarsson.

Nokkrar umsagnir um bækur eru í ritinu; Gísli Sigurðsson skrifar um Sturlungubækur Einars Kárasonar, Halldóra Thoroddsen um ljóð Vilborgar Dagbjartsdóttur, Steinunn Inga Óttarsdóttir um ljóð Ingunnar Snædal, Þorgeir Tryggvason um Geirmundarsögu Bergsveins Birgissonar og Sólveig Ásta Sigurðardóttir um Heimsku EÖN.

Áskriftarsími TMM er 5755600.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd