Fullt hús stjarna fyrir alveg sérstaka bók

  • Höfundur: Ritstjórn Forlagsins
Birgitta Sif

Silja Björk Huldudóttir skrifar um Ólíver eftir Birgittu Sif í Morgunblaðið í dag og gefur henni fimm stjörnur. Í umfjölluninni segir meðal annars: „Á yfirborðinu má segja að einfaldleikinn ráði ríkjum í bók Birgittu um Ólíver, en þegar betur er að gáð verður ljóst að bókin leynir svo sannarlega á sér. Ekki er mikill texti á hverri síðu en texti og myndir spila listilega vel saman með þeim árangri að myndirnar bera stóran hluta sögunnar áfram og undirstrika mátt ímyndunarinnar. … Hér er á ferðinni hrífandi bók sem er, líkt og söguhetjur hennar, alveg sérstök.“

Silja er ekki sú eina sem lætur hrífast af Ólíver. Maríanna Clara Lúthersdóttir skrifaði um bókina í vefritið Druslubækur og doðrantar og sagði meðal annars: „Þótt textinn sé bæði einfaldur og mjög fáorður er hann þó skemmtilega opinn fyrir túlkun og þar koma myndirnar auðvitað sterkar inn. Þær eru alveg frábærar … Það er nú allur gangur á hversu vandað efni er borið á borð fyrir yngstu kynslóð lesenda og því ber að fagna bók sem sameinar alveg sérstaklega fallegar myndir og boðskap sem skiptir máli.“

Ólíver er fyrsta bók Birgittu Sifjar og var frumútgefin í sex löndum fyrr í vetur, meðal annars hjá hinu virta barnabókaforlagi Walker Books í Bretlandi. Hún hefur einnig fengið frábærar viðtökur ytra og sagði gagnrýnandi Bookseller meðal annars: „frábær frumraun … texti með djúpri merkingu og líflegar myndir ríkar af smáatriðum gera þessa bók að algerri perlu.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd