Frönsk svíta fær frábæra dóma

  • Höfundur: Ritstjórn Forlagsins
Irene Nemirovsky

Meistaraverkið Frönsk svíta sem gerist í Frakklandi í seinni heimsstyrjöldinni hefur fengið frábæra dóma. Í Fréttatímanum gefur Páll Baldvin Baldvinsson bókinni fimm stjörnur og segir m.a. í dómnum:

„Svítan franska er heillandi saga, hún er hörkuspennandi, samin af mikilli andagift, djúpu innsæi í hug lesanda og þeirra persóna sem þessi glæsilega skáldkona dregur upp ljóslifandi.“

Ekki var umfjöllun um bókina í Kiljunni síðasta miðvikudagskvöld síðri þar sem Kolbrún Bergþórsdóttir, Páll Baldvin og Egill Helgason voru öll sammála um að hér væri meistaraverk á ferð, skrifað af mikilli skáldkonu.

Bókin Frönsk svíta er afar sérstök að því leyti að hún kom út rúmum sextíu árum eftir dauða Irène Némirovsky, höfund bókarinnar, en hún lést í útrýmingarbúðum nasista. Bókin hefur slegið í gegn hvar sem hún er gefin út og fengið afar góða dóma.

Dóttir Irène Némirovsky, Denise Epstein, er stödd á Íslandi þessa dagana í boði Bókmenntahátíðar. Hún mun spjalla um verk móður sinnar við Friðrik Rafnsson í Norræna húsinu á morgun en þar fara fram höfundaviðtöl frá 12:30 – 15:00. Einnig var opnuð ljósmyndasýning í Borgarbókasafninu af tilefni komu Denise Epstein til landsins þar sem myndir af ævi og starfi móður hennar eru til sýnis.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd