Frönsk svíta á Bókmenntahátíð

  • Höfundur: Ritstjórn Forlagsins
Frönsk svíta

Metsölubókin Frönsk svíta eftir Irène Némirovsky kemur út á íslensku í þýðingu Friðriks Rafnssonar nk. þriðjudag. Í tilefni af Bókmenntahátíð í Reykjavík er einnig von á dóttur hennar, Denise Epstein, í heimsókn hingað til lands. Bókin hefur farið sigurför um heiminn en baksaga hennar er hreint einstök.

Irène Némirovsky var franskur rithöfundur af úkraínsku bergi brotin sem naut mikillar hylli í Frakklandi á fjórða áratug síðustu aldar. Svo skall síðari heimsstyrjöldin á.  Þar sem Irène var gyðingur var hún handtekin og flutt til Auschwitz og átti ekki afturkvæmt þaðan.  Verk hennar féllu í gleymsku en dætur hennar Elisabeth og Denise unnu ötullega að því að minna á verk móður sinnar. Eitt þeirra kom þó ekki í leitirnar fyrr en nýlega þegar óbirt handrit eftir Irène fannst í skjalasafni en það kom síðan fyrst út hjá forlaginu Denoël árið 2004.

Denise Epstein mun einnig opna ljósmyndasýningu um ævi og ritverk móður sinnar nk. miðvikudag, þann 7. september kl. 17, í Borgarbókasafninu í Reykjavík. Sýningin ber yfirskriftina „Ég skrifa á brennheitu hrauni…“ en hún er skipulögð á vegum Alliance française í Reykjavík og er liður í hátíðarhöldum vegna aldarafmælis félagsins á árinu.  Hún er sett upp í samstarfi við Borgarbókasafn Reykjavíkur og Reykjavík Bókmenntaborg UNESCO og stendur til 30. september, aðgangur er ókeypis og allt áhugafólk um bókmenntir og sögu velkomið.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd