Framhaldið af Hrafnsauga skrifað í Transilvaníu

  • Höfundur: Ritstjórn Forlagsins
Kjartan Yngvi Björnsson og Snæbjörn Brynjarsson

Sagt var frá því í Fréttablaðinu í dag að höfundar verðlaunabókarinnar Hrafnsauga, þeir Kjartan Yngvi Björnsson og Snæbjörn Brynjarsson, hyggist leggja lokahönd á næstu bók bókaflokksins nú í sumar á söguslóðum verksins í Mið-Evrópu. Þeir lögðu í hann í gær og ætla að hreiðra um sig þorpinu Sighisoara í Transilvaníu, nánar til tekið í heimasveit sjálfs Drakúla greifa.

„Það var í raun tilviljun að þessi staður varð fyrir valinu,“ segir Snæbjörn. „Við slógum inn á Google hvernig umhverfi við vorum að leita að og þetta þorp kom upp. Ekki skemmir fyrir að þetta er fæðingarstaður fyrirmyndar Drakúla greifa, miðaldakonungsins Vlad Tepes III.“

Snæbjörn og  Kjartan stefna að því að dvelja í Rúmeníu í tvo mánuði og ætla meðal annars að ganga um skógana kringum bæinn til að fá tilfinningu fyrir náttúrunni sem sögupersónur þeirra eru umkringdar. Eini gallinn við það er að meirihluti allra úlfa og skógarbjarna í Evrópu heldur til á þessu svæði svo við hjá Forlaginu treystum því að þeir fari varlega og svíki lesendur sína ekki um spennandi framhald á Hrafnsauga.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd