Frá hugmynd að bók

  • Höfundur: Ritstjórn Forlagsins
Bókin okkar

Í október síðastliðinn hófst tilraunaverkefnið „Frá hugmynd að bók“. Þórhildur Garðarsdóttir, fjármálastjóri Forlagsins, var frumkvöðullinn að verkefninu en markmið verkefnisins var að efla áhuga barna á lestri með því að kynna þeim fyrir útgáfuferli bóka.

Nemendur í 6. bekk í Grandaskóla tóku þátt í verkefninu og þann 5. júní kom út Bókin okkar sem inniheldur frumsamdar sögur, ljóð og teikningar. Í ferlinu fengu krakkarnir m.a. þekkta rithöfunda í heimsókn sem töluðu um sína reynslu af ritstörfum. Börnin kynntust einnig öðrum hliðum bókaútgáfu þegar þau heimsóttu bókalagera og prentsmiðjur.

Verkefnið endaði loks með útgáfu bókar sem nemendurnir skrifuðu sjálfir yfir nokkra mánaða skeið. Bókin hlaut nafnið „Bókin okkar“. Næsta haust verður stefnt á að stækka verkefnið þar sem árangurinn í Grandaskóla var gífurlegur. „Frá hugmynd að bók“ hlaut Hvatningarverðlaun skóla- og frístundasvið sem og tilnefningu Heimils og skóla.

Þórhildur sagði frá verkefninu í Víðsjá í gær en hér má hlusta á þáttinn.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd