Fjögurra stjörnu Ástarsaga

  • Höfundur: Ritstjórn Forlagsins
Gunnar Karlsson

„Það er ekki ofsagt að í ritinu sé fjallað á einstaklega aðgengilegan og lipran hátt um ástir Íslendinga á tímabilinu 870-1300,” segir Þórunn Kristjánsdóttir í dómi í Morgunblaðinu um Ástarsögu Íslendinga að fornu eftir Gunnar Karlsson. „Úrvinnslan á efninu er vel heppnuð. Höfundi tekst að bera fræðilegt efni á borð fyrir lesendur á einfaldan og skemmtilegan hátt. Slíkt ætti ekki að koma á óvart enda Gunnar Karlsson sagnfræðingur þrautreyndur á sviði kennslubóka- og fræðibókaskrifa.“ Þórunn rekur efni bókarinnar á skilmerkilegan hátt og segir svo að lokum: „Eins og fram kemur í niðurstöðum Gunnars í bókarlok er erfitt að greina þróun í sögu ástarinnar hér á landi. Þrátt fyrir það nær hann að draga fram ólíka þræði og varpa upp heildstæðri mynd. Verkið er í senn virkilega vandað og skemmtilegt. Þeir sem hafa áhuga á sögu Íslendinga ættu ekki að láta það framhjá sér fara.“ Hún toppar svo umsögnina með fjórum stjörnum.

Minna má á að Ástarsaga íslendinga fékk líka fjögurra stjörnu dóm hjá Inga Frey Vilhjálmssyni á DV og Kolbrún Bergþórsdóttir hafði einkar falleg orð um hana í Kiljunni.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd