Finnskur krimmi vekur heimsathygli

  • Höfundur: Ritstjórn Forlagsins

Antti Tuomainen jók umtalsvert á frægð sína í heimalandinu með spennusögunni Parantaja – sem í íslenskri þýðingu Sigurðar Karlssonar heitir Græðarinn og var að koma út.

Sagan fékk verðlaun sem besta finnska glæpasagan árið 2011 og var tilnefnd til Norræna glerlykilsins. Þau verðlaun hlaut hún ekki en hefur þó farið sigurför um heiminn, verið seld til tæplega þrjátíu landa og fengið geysilega góðar viðtökur.

Þetta er saga um hugrekki og tryggð og ástina sem er sterkasta aflið. Hún gerist í Helsinki í óræðri framtíð þar sem íbúarnir kljást við alvarlegar afleiðingar loftslagsbreytinga. Stór hluti jarðar er orðinn óbyggilegur með öllu og flóttamenn að sunnan þyrpast norður á bóginn. Óaldarflokkar vaða uppi og illvirkinn sem kallar sig „Græðarann“ myrðir vel valin fórnarlömb – auðmenn og stjórnmálamenn og fjölskyldur þeirra.

Blaðakonan Johanna er á slóð hans þegar hún hverfur nokkrum dögum fyrir jól og maðurinn hennar á erfitt með að fá fréttastjóra blaðsins og lögregluna til að sýna því áhuga. Hann verður sjálfur að hefja leit en slóðin leiðir hann dýpra og dýpra inn að kjarna myrkrar veraldar …

„Kæfandi spenna og blóðbragð á hverri blaðsíðu. Það er ekki hægt að hætta fyrr en endinum er náð …” sagði gagnrýnandi Turun Sanomat. Gagnrýnandi La Stampa á Ítaliu sagði m.a.: „Græðarinn er í hæsta máta frumleg glæpasaga, gerólík venjulegum skandinavískum krimmum …

Antti Tuomainen lýsir af fádæma glöggskyggni hvernig stórborgarsamfélag líður undir lok.“ Gagnrýnandi Weekendavisen segir: „Ískaldur glæpur, náttúruhamfarir, pólitísk morð og ástarsaga, blandað saman af öryggi í norrænu myrkri.“ „Eins og spennandi kvikmynd alveg frá fyrstu blaðsíðu,“ sagði Pohjolan Sanomat. „Hrífandi spennusaga með dómsdagstilfinningu og dassi af leynilögreglusögu,“ sagði Westdeutscher Zeitung og Pravo í Tékklandi segir: „Græðarinn er ekki aðeins frábær spennubók heldur gefur sagan merkilega innsýn í menningu á hraðri leið til glötunar. En þrátt fyrir glundroðann ríkir ástin enn yfir illskunni.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd