Fimm tilnefningar hjá Forlaginu

  • Höfundur: Ritstjórn Forlagsins
Íslensku bókmenntaverðlaunin - tilnefning

Það var mikil gleði hjá Forlagsmönnum á laugardaginn þegar fjórar af bókum þeirra voru tilnefndar til íslensku bókmenntaverðlaunanna, tvær í hvorum flokki. Í flokki fagurbókmennta fengu Illska Eiríks Arnar Norðdahl og Milla Krístínar Ómarsdóttur tilnefningu og kom það fáum á óvart því þær hafa fengið gríðarlega góðar undirtektir gagnrýnenda og almennra lesenda. Meðal annars sagði Þröstur Helgason í Kiljunni að það væri spurning hvort hann ætti eftir að lesa betri skáldsögu en Illsku á þessari vertíð og bókin fékk fullt hús stjarna í Fréttablaðinu. Milla hefur sömuleiðis fengið mikið stjörnuregn og hrós fyrir hugmyndaauðgi, frumleika og fjör.

Í flokki fræðirita og bóka almenns efnis hlutu tilnefningu hið mikla rit Jóns Ólafssonar Appelsínur frá Abkasíu, um Veru Hertzsch, Halldór Laxness og hreinsanirnar miklu, og Upp með fánann, bók Gunnars Þórs Bjarnasonar um uppkastið 1908 og sjálfstæðisbaráttu Íslendinga. Báðar hafa fengið afar góð viðbrögð gagnrýnenda og annarra ánægðra lesenda.

Auk þess var Sigrún Árnadóttir tilnefnd til þýðingarverðlauna fyrir endursköpun sína á bókum Gunillu Bergström um Einar Áskel á íslensku og var henni fagnað innilega þegar hún tók við tilnefningunni. Líklega hefur enginn í salnum verið ókunnugur þessum frábæru bókum sem hafa skemmt íslenskum lesendum í áratugi.

Forlagið óskar Eiríki Erni, Kristínu, Jóni, Gunnari Þór og Sigrúnu innilega til hamingju með þennan verðskuldaða heiður.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd