Fimm stjörnur handa Heródótusi

  • Höfundur: Ritstjórn Forlagsins
Stefán Steinsson

Baldur A. Kristinsson skrifar glöggan og skemmtilegan ritdóm um þýðingu Stefáns Steinssonar læknis á Rannsóknum Heródótusar í Morgunblaðið í dag og gefur henni fullt hús stjarna. Baldur segir: „Heródótos ritaði Rannsóknir sínar á miðri fimmtu öld f.Kr. Þær eru elsta ritið sem talist getur falla að hugmyndum okkar um sagnfræðilegt viðfangsefni og efnistök. … Það er því ekki að ástæðulausu að hann er oft kallaður »faðir sagnfræðinnar«, enda hefur heitið á riti hans, Historiai (sem einfaldlega þýðir »rannsóknir« á grísku), verið tekið upp sem alþjóðaheitið fyrir sjálfa fræðigreinina sem hann stofnaði.“

En Heródótus er samt barn síns tíma. „Hann hikar ekki við að skýra suma atburði út frá vilja guðanna og virðist oft treysta um of frásögnum heimildarmanna sinna af undarlegu útliti eða furðulegum siðum fjarlægra þjóða. … Strax í fornöld kallaði Plútarkos hann því »föður lyganna«, og löngum hefur fólk lagt frekar litla trú á ýmislegt sem Heródótos greinir frá. Þetta breytir þó engu um afrek hans, sérstaklega í ljósi þess að þetta elsta rit sagnfræðinnar er jafnframt eitt það skemmtilegasta fyrr og síðar, stútfullt af heillandi frásögnum og lýsingum.“

Rannsóknir Heródótusar eru tilnefndar til Íslensku þýðingarverðlaunanna og um þýðinguna segir Baldur að hún sé „sannkallað þrekvirki“, „unnin af stakri smekkvísi og virðingu fyrir anda frumtextans.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd