Fimm hjörtu dönsk

  • Höfundur: Ritstjórn Forlagsins

Gagnrýnandi danska blaðsins Politiken, May Schalk, gefur ævisögu Halldórs Laxness eftir Halldór Guðmundsson fimm stjörnur (nú eða hjörtu – af sex mögulegum) og hrósar bókinni í hástert. Bókin var nýlega gefin út þar í landi á dönsku. Bókin hefur nú þegar komið út í Þýskalandi, Noregi, Sviþjóð og Bretlandi.

May segir ævisagnahöfundinn, Halldór Guðmundsson, vera af hinum klassíska skóla og vinna verkið af nákvæmni og samúð með Nóbelsverðlaunahafanum en hvergi hliðra sér hjá því að lýsa manni sem hafði um margt á röngu að standa. Hún segir Halldór Guðmundsson jafnframt leggja sig fram um að dæma ekki rithöfundinn. Gagnrýnandinn segir bókina varpa skýru ljósi á rithöfund sem var sífellt hvattur áfram af eigin metnaði og altekinn af hugsjónum sínum. Meðfram lestri ævisögunnar hefur ritrýnir Politiken endurlesið Sölku Völku til að komast í betra samband við höfundarrödd Laxness og hans óumdeilanlegu frásagnargáfu. Sem fyrr segir fær bókin fimm hjörtu enda bæði vönduð og vel skrifuð.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd