Ferðabók fyrir forvitna krakka!

  • Höfundur: Ritstjórn Forlagsins
Ævar vísindamaður

Litlir vísindamenn landsins, kætist! Von er á stórskemmtilegri bók eftir leikarann og vísindamanninn Ævar Benediktsson, betur þekktur úr sjón- og útvarpi sem Ævar vísindamaður, sem heitir Umhverfis Ísland í 30 tilraunum.

Ævar vísindamaður sló í gegn með spennandi vísindaþáttum fyrir börn og unglinga í vetur. Nú setur hann Ísland undir stækkunarglerið, ferðast hringinn í kringum landið og rannsakar allt sem fyrir augu ber. Í bókinni eru tilraunir sem þú getur gert heima hjá þér, á ferðinni og meira að segja tilraunir sem gera sig sjálfar og eru tilbúnar þegar þú kemur aftur heim!

Umhverfis Ísland í 30 tilraunum er skrítin, skemmtileg, fyndin og forvitnileg bók – ómissandi fyrir ferðalanga, hvort sem þeir ferðast með bíl, bát, hjóli eða bara í huganum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd