„Fáið mér karlmenn …“

  • Höfundur: Ritstjórn Forlagsins
Björg Magnúsdóttir

Fjöldi manns samfagnaði með með Björgu Magnúsdóttur þegar fyrsta bók hennar, Ekki þessi týpa, kom út í gær. Útgáfuhófið var haldið á Loftinu sem troðfylltist af fólki sem langaði að kynna sér þessa glaðlegu og fjörugu bók. Systir, frænka og vinur höfundarins lásu þrjá safaríka kafla úr bókinni auk þess sem Björg fylgdi henni úr garði með einlægri ræðu. Þar hvatti hún fólk til að láta drauma sína rætast og þakkaði vinum og kunningjum innilega fyrir þeirra framlag til bókarinnar. Veislustjóri sagði síðar – í hálfkæringi þó – að einhverjir vinir höfundarins íhuguðu að krefjast lögbanns á bókina þar sem í henni væru ýmis óþægileg leyndarmál afhjúpuð en Björg dregur ekki dul á það að allar neyðarlegar uppákomur sem sagt er frá í bókinni hafi gerst í raun og veru og séu ekki einu sinni mikið ýktar!

Vel á annað hundrað bækur seldust á staðnum og sat höfundur við í góða tvo klukkutíma við að árita þær á meðan DJ-arnir Bakkelsi héldu uppi fjörinu og gestir gæddu sér á Sommersby eplacider og Tuborg bjór. Þó tók hún sér hlé til að syngja tvö lög með kórnum sínum, Kvennakónum Kötlu. Annað þeirra var óskalag höfundarins: Hraustir menn eftir Jakob Jóhannesson Smára og Sigmund Romberg, og sungu skvísurnar með tilþrifum: „Fá mér þá alla, sem aldreigi hallast, / en æ láta sverfa til stáls. / Fáið mér karlmenn, sem kunna að falla / í krafti hins réttláta máls.

Litrík kápan á Ekki þessi týpa hefur svo væntanlega skreytt náttborð um borg og bý í nótt með bókamerki á mismunandi stöðum.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd