Endurprentanir sem beðið hefur verið eftir

  • Höfundur: Ritstjórn Forlagsins
Þórunn og Gréta

Loksins, loksins! Tvær af vinsælustu bókum síðasta árs, Prjónabiblían og Stúlka með maga, hafa nú verið endurprentaðar og koma út í dag!

Prjónabiblían, eftir Grétu Sörensen, flaug úr hillunum fyrir jól og hefur verið uppseld síðan um það leyti. Bókin er kjörin fyrir allt áhugafólk um prjónaskap – bæði byrjendur og lengra komna – og er, eins og nafnið gefur til kynna, undirstöðurit um þessa sívinsælu handavinnu. Prjónabiblían var tilnefnd til Fjöruverðlaunanna 2013 en í umsögn dómnefndar segir: „Prjónabiblían er mikið verk og vandað. Hana prýðir fjöldi ljósmynda og teikninga sem í sameiningu auka hagnýtingu hennar. Teikningarnar eru fínlegar blýantsteikningar sem ekki útskýra eingöngu á nákvæman hátt tæknileg atriði heldur eiga einnig vel við viðfangsefnið. Ljósmyndir eru skýrar og gefa tilfinningu fyrir áferð og útliti prjónsins.“

Á Facebook-síðu Forlagsins má taka þátt í Prjónabiblíuleik þar sem þrír heppnir fá eintak.

Stúlka með maga er nýjasta verk Þórunnar Erlu- og Valdimarsdóttur og er nú komin í kilju! Bókinni var gífurlega vel tekið þegar hún kom út fyrir jólin en hún hefur sömuleiðis verið uppseld í þó nokkurn tíma. Á dögunum hlaut hún Fjöruverðlaunin en í umsögn dómnefndar sagði m.a.: „[Þórunn] skrifar í orðastað móður sinnar, sem sér lengra en nef hennar nær, bæði fram í tímann og aftur í aldir. Rödd sögukonunnar er sterk og frumleg, eins og sagan sjálf, hæðin þegar það á við, en líka elsku- og huggunarrík. Það er mikill stráksskapur í textanum og stíllinn er fagur og töfrum slunginn.“

Við gleðjumst innilega yfir því að geta nú boðið lesendum upp á þessar frábæru bækur á ný.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd