Ekta íslenskt erfðasilfur

  • Höfundur: Ritstjórn Forlagsins
Gerdur Kristny

Ljóðaflokkurinn Blóðhófnir eftir Gerði Kristnýju, sem fékk Íslensku bókmenntaverðlaunin í ár, kom út á dönsku í dag hjá bókaútgáfunni Vandkunsten í þýðingu Eriks Skyum-Nielsen. Thomas Bredsdorf skrifar um bókina í Politiken í dag undir fyrirsögninni „Ekta íslenskt erfðasilfur“ og gefur henni fjögur hjörtu.

Bredsdorf minnir á að þetta er ekki í fyrsta skipti sem Skírnismál verða efni í ný ljóð. Danska þjóðskáldið Adam Oehlenschläger umorti knappan texta Skírnismála yfir á orðmargan hexametra á 19. öld, „en Gerður Kristný fer allt aðra leið,“ segir Bredsdorf. „Hún er ennþá sparari á orð en fyrirmyndin. Einbeitir sér að eyðunum í frásögninni: Hvað hugsaði konan dagana níu áður en hún var tekin gegn vilja sínum? Og hvað með barnið sem áreiðanlega fæddist níu mánuðum seinna? Gerður jötnamær hugsar um móður sína á meðgöngunni. Og um framtíðina. … Margt er hægt að lesa í myrkar leifar frá fornum tíma og Gerði Kristnýju tekst vel að halda möguleikum opnum. Blóðhófnir hennar er feminískt svar við fornnorræna kvæðinu en það er líka kvæði um að munurinn á guðum og jötnum, okkur og hinum, manni og konu er ekki eins einfaldur og hann virðist vera.“

Bredsdorf hælir líka þýðingu Skyum-Nielsen, segir hana vandlega stuðlaða eins og frumtextann og fulla af eyðum sem vekja tilfinningar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd