„Einstök kona í ólgandi veröld“

  • Höfundur: Ritstjórn Forlagsins
Mamúska

Mamúska, bók Halldórs Guðmundssonar, um sína pólsku ömmu hlaut í morgun glæsilegan dóm í Fréttablaðinu.

Bókin segir frá kynnum Halldórs af Mamúsku, Marianne Kowalew eins og hún hét réttu nafni, sem hann kynntist í tíðum ferðum sínum á bókamessuna í Frankfurt. Við það tækifæri heimsótti hann alltaf Mamúsku á veitingastaðinn hennar. Þau urðu góðir vinir og hún bauðst til að gerast amma hans. Hann vildi heldur fá að skrásetja viðburðaríka ævi hennar.

Dómi Fréttablaðsins fylgja fjórar stjörnur og í honum segir Magnús Guðmundsson m.a.:

„Halldór er klókur ævisagnaritari og hann fer þá leið að hver og einn kafli bókarinnar nær utan um eina heimsókn til Mamúsku þar sem þau skoða saman ákveðið æviskeið. Það eru reyndar í senn fólgin í því ákveðin vonbrigði og sjarmi og jafnvel persónulýsing hversu treg sú gamla er í taumi við sinn góða ævisagnahöfund. Ítrekað þvertekur Mamúska fyrir það að ræða ákveðna þætti ævi sinnar, bæði persónulega sem og almenna, en Halldór leysir þetta listilega. Fer með lesandann í ferðalag um æskuslóðir hennar og blóði drifna sögu Evrópu. Tengir saman persónulega sögu merkrar alþýðukonu, baráttu stórþjóða, sögu stétta og margt fleira sem veitir lesandanum innsýn í veröld sem var.“

Í niðurlagi dómsins segir Magnús bókina vera skemmtilega ævisögu merkrar konu.

Friðrika Benónýsdóttir, menningarritstjóri Fréttatímans, hafði áður tekið viðtal við höfundinn um bókina og sagði hana þá vera eina eftirtektarverðustu bókina í flóðinu þetta árið og bætir við að „þrátt fyrir að saga Mamúsku sé sterk og ótrúleg og teymi lesandann með sér, þá er það þó samband hins íslenska skrásetja og þessa pólska náttúruafls sem hrífur mann mest við lestur bókarinnar.“

Þess má geta að Halldór verður gestur á fyrsta höfundakvöldi Eymundsson þennan veturinn, ásamt Einari Má Guðmundssyni, miðvikudaginn 28. október kl. 20. Allar frekari upplýsingar má finna hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd