Einar og Sturla í Borgarnesi

  • Höfundur: Ritstjórn Forlagsins

Einar Kárason lauk við þríleik sinn um Sturlungaöld með bókinni Skáld sem kom út í október sl. Sagan hefur fengið prýðilegar viðtökur og þótt verðugur endir á þessu mikla verki. Á laugardaginn (12. janúar 2013) stígur Einar á svið í Landnámssetrinu í Borgarnesi og segir söguna af skáldinu Sturlu, allt frá uppvextinum í akademíu Snorra Sturlusonar í Reykholti.

Einar er sagnamaður af guðs náð og heldur áheyrendum sínum hugföngnum meðan hann leiðir þá inn í töfraheim sögunnar. Sýningin hefst kl. 20 og miðapantanir eru í síma 437 1600.

Skáld þykir persónulegri en fyrri bækurnar, Óvinafagnaður (2001) og Ofsi (2008) enda er aðalpersónan Sturla Þórðarson, bróðursonur Snorra Sturlusonar, sagnfræðingurinn og skáldið sem sjálfur skrifaði sögu þessara blóðugu tíma.

Allir lesendur flokksins eiga sína uppáhaldsbók og hefur verðlaunabókin Ofsi sennilega eignast flesta aðdáendur. En gaman var að sjá að Einar Falur Ingólfsson sagði í yfirliti yfir bókmenntaárið 2012 í Morgunblaðinu að honum þætti Skáld besta bók þríleiksins. Í ritdómi sínum í Fréttablaðinu sagði Jón Yngvi Jóhannsson meðal annars: „Myndin sem dregin er upp af Sturlu er sannfærandi og margslungin rétt eins og mynd bókanna allra af Sturlungaaöldinni … Skáld er verðugur lokapunktur hinnar nýju Sturlungu Einars Kárasonar … Bestu kaflarnir eru gerðir af meistarahöndum.”

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd