Einar Már og félagar á Rósenberg

  • Höfundur: Ritstjórn Forlagsins
Skemmtikraftar

Blágresi, Bjartmar Guðlaugsson og Einar Már Guðmundsson rithöfundur halda tónleika fimmtudaginn 6. október á Café Rósenberg kl. 20:30

Fyrsta skífa Blágresis, Hvað ef himininn brotnar… er væntanleg í byrjun nóvember. Hún inniheldur frumsamin lög í melodískum þjóðlaga og kántrí stíl en Einar Már deilir bæði áður útgefnum ljóðum og semur nýja texta fyrir sveitina. 
Tríóið skipa þau Tinna Marína, Daníel Auðunsson og Leifur Björnsson.

Einar Már Guðmundsson gaf út bók á árinu, Bankastræti núll, með undirtiltlinum sögur úr veruleikanum. Þar tekur hann upp þráðinn frá Hvítu bókinni og veltir vöngum yfir sambandi þjóðlífs og menningar á Íslandi eftir hrunið.

Bjartmar lýkur svo kvöldinu með flutningi á sínum helstu perlum, en þess má geta að hann gaf einnig út bók, Háseta vantar á bát, með myndverkum, ljóðum, söngtextum og prósum.

Miðaverð 1.000 Kr.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd