Einar Már á höfundakvöldi í Norræna húsinu

  • Höfundur: Ritstjórn Forlagsins
Einar Már

Norræna húsið stendur fyrir höfundakvöldum fyrsta þriðjudag hvers mánaðar á komandi vetri. Höfundur október mánaðar er Einar Már Guðmundsson en hann mun kynna nýja bók sína, Hundadaga, á höfundakvöldi í Norræna húsinu 6. október kl. 19:30. Páll Valsson stýrir umræðum.

Hundadagar er leiftrandi skemmtileg saga sem fjallar um Jörund hundadagakóng, Jón Steingrímsson eldklerk og fleira fólk fyrri alda. Farið er um víðan völl í tíma og rúmi; sögulegar staðreyndir eru á sínum stað en andagiftin er aldrei langt undan. Frásögnin leiðir okkur á vit ævintýra fortíðar þar sem eldgos á Íslandi orsakar hugsanlega byltingu í Frakklandi sem svo aftur hefur víðtæk áhrif annars staðar … Og kannski á fortíðin brýnna erindi við samtíðina en okkur grunar?

Einar Már Guðmundsson hefur verið meðal virtustu og vinsælustu skálda og rithöfunda þjóðarinnar frá upphafi ferils síns. Hróður hans hefur borist víða því bækur hans hafa verið þýddar á mörg tungumál og orðið vinsælar, ekki síst Englar alheimsins sem er ein víðförlasta skáldsaga eftir Íslending fyrr og síðar. Þess má geta að í ár eru tuttugu ár liðin frá því að Einar Már hlaut bókmenntaverðlaun Norðurlandaráðs fyrir Engla alheimsins.

Viðburðurinn er hluti af Höfundakvöldaseríu Norræna hússins veturinn 2015-16.

Höfundakvöld Norræna hússins
1.september – Jens Andersen (DK)
6. október – Einar Már Guðmundsson
3. nóvember – Camilla Plum (DK)
1. desember – Rawdna Carita Eira (NO/Samísk)
12.janúar – Kristina Sandberg (SE)
2.febrúar – Gaute Heivoll (NO)
1. mars – Åsne Seierstad (NO)
5.apríl – Susanna Alakoski (SE/FI)
3.maí – tilkynnt síðar

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd